కరోనాపై పుకార్లు షికార్లు చేస్తున్నాయి. ఎన్నెన్నో కట్టు కథలు వినిపిస్తున్నాయి. ఒక్కొక్కరు ఒక్కో రకంగా చెబుతున్నారు. సోషల్ మీడియాలో అయితే ఫేక్ న్యూస్ విపరీతంగా వ్యాప్తి చెందుతోంది. ఈ నేపథ్యంలో కరోనా కల్పితాలపై యూఎస్ కు చెందిన డాక్టర్ క్లారిటీ ఇచ్చారు. అంటువ్యాధుల స్పెషలిస్ట్, ఫిలాంత్రఫిస్ట్ ఫాహిమ్ యూనస్ అపోహలు, వాటికి సమాధానాలను ట్విట్టర్లో షేర్ చేశారు. అవేమిటంటే…
ప్రచారం: సమ్మర్ లో కరోనా వైరస్ ప్రభావం తగ్గుతుంది?
నిజం: తగ్గదు. ఇంతకుముందు వచ్చిన ఇలాంటి మహమ్మారి రోగాలేవీ వెదర్ కండీషన్స్ ను ఫాలో కాలేదు. అదే విధంగా మనం సమ్మర్ లోకి ఎంటర్ అయ్యేటప్పుడు… దక్షిణార్ధ గోళంలో వింటర్ ఉంటుంది. వైరస్ ఈజ్ గ్లోబల్.
ప్రచారం: కరోనా రాకుండా తీసుకోవాల్సిన జాగ్రత్తల్లో ముఖ్యమైంది ఇంట్లోని ప్రతి డోర్ పిడిని డిస్ ఇన్ఫెక్టెంట్స్ తో క్లీన్ చేయడమే?
నిజం: తప్పు. చేతులు కడుక్కోవడం, కరోనా బాధితులకు 6 ఫీట్ల దూరంలో ఉండడం ముఖ్యమైన పని. మీ ఇంట్లో కరోనా పేషెంట్ లేనంత వరకు, మీ ఇంట్లోని ఉపరితలాలతో రిస్క్ లేదు.
ప్రచారం: కారు యాక్సిడెంట్లతో ప్రతిఏటా 30వేల మంది మరణి స్తున్నారు. అలాంటిది కరోనా దానికంటే పెద్దదా?
నిజం: కారు యాక్సిడెంట్ అనేది అంటువ్యాధి కాదు. అలాగే యాక్సిడెంట్స్ లో మరణాల రేటు ప్రతి మూడు రోజులకు ఒకసారి డబుల్ కాదు. యాక్సిడెంట్లతో ఇంతమంది జనం భయపడరు. మార్కెట్లు క్రాష్ కావు.
ప్రచారం: సమ్మర్ లో దోమల వల్ల కరోనా మరింత వ్యాప్తి చెందుతుంది?
నిజం: తప్పు. ఈ వైరస్ తుంపర్ల ద్వారా వ్యాప్తి చెందుతుంది. బ్లడ్ ద్వారా కాదు. కావున దోమ కాటు వల్ల కరోనా మరింత వ్యాప్తి చెందదు.
ప్రచారం: ఎలాంటి ఇబ్బంది లేకుండా 10 సెకన్లు శ్వాస తీసుకోవడం ఆపగలిగితే… కరోనా లేనట్లే?
నిజం: తప్పు. కరోనా పేషెంట్లు చాలామంది 10 సెకండ్ల కంటే ఎక్కువ సేపు శ్వాసను ఆపగలరు. అలాగే వైరస్ సోకని పెద్దలు చాలామంది ఇలా చేయలేరు.
ప్రచారం: కరోనాకు టెస్టు అందుబాటులో లేనందున, మేం రక్తదానం చేయాలనుకుంటున్నాం. బ్లడ్ బ్యాంక్ కరోనా టెస్టు చేస్తుందా?
నిజం: కరోనా వైరస్ గురించి ఏ బ్లడ్ బ్యాంక్ కూడా టెస్టు చేయదు. కాబట్టి ఈ ప్రయత్నం విఫలమవుతుంది. రక్తదానమనేది ఒక మంచి పని. సరైన కారణాలతోనే అది చేస్తే బాగుంటుంది.
ప్రచారం: సోషల్ డిస్టెన్సింగ్ అనేది ఓవర్ రియాక్షన్. ఈ వైరస్ తో పెద్ద నష్టమేమీ ఉండదు?
నిజం: ఒకవేళ వైరస్ ఎక్కువ మందికి సోకకపోతే సోషల్ డిస్టెన్సింగ్ పనిచేసినట్లే. వైరస్ పెద్ద విషయం కాదని ఎప్పుడూ అనుకోవద్దు.
ప్రచారం: కరోనా వైరస్ గొంతులో జీవిస్తుంది. ఎక్కువ వాటర్ తాగితే.. అది కడుపులోకి వెళ్తుంది. అక్కడ యాసిడ్స్ దాన్ని చంపేస్తాయి?
నిజం: వైరస్ గొంతు ద్వారానే ప్రవేశిస్తుంది కావచ్చు. కానీ అది కణాల్లోకి ప్రవేశిస్తుంది. నీళ్లు తాగి సెల్స్ నుంచి దాన్ని పంపించలేం. ఎక్కువ వాటర్ తాగడం వలన మీరు తరచూ టాయిలెట్ కు వెళ్లాల్సి వస్తుందంతే.
ప్రచారం: సోప్, వాటర్ కంటే హ్యాండ్ శానిటైజర్స్ బెటర్.
నిజం: తప్పు. సోప్, వాటర్ వైరస్ ను చంపేస్తాయి. మన స్కిన్ పైనున్న వైరస్ ను తొలగిస్తాయి. ఒకవేళ సూపర్ మార్కెట్లో శానిటైజర్స్ దొరక్కపోయినా బాధపడకండి
అపోహలను నమ్మకండి. అవగాహన పెంచుకోండి. వక్తిగత పరిశుభ్రత పాటించండి.
ప్రతి ఒక్కరు కరోన వైరస్ వ్యాప్తి చెందకుండా బాధ్యతాయుతంగా ఉండండి.