అంతర్జాతీయ మాతృదినోత్సవం మే రెండో ఆదివారం - A to Z 2512

HIGHLIGHTS

అంతర్జాతీయ మాతృదినోత్సవం మే రెండో ఆదివారం

*💐అంతర్జాతీయ మాతృదినోత్సవ   శుభాకాంక్షలు💐*

*ఏటా మే రెండో ఆదివారం నిర్వహిస్తున్న ప్రపంచ మాతృదినోత్సవానికి సుదీర్ఘ చరిత్ర, నేపథ్యం ఉంది. గ్రీస్‌లో ‘రియా’ అనే దేవతను ‘మదర్‌ ఆఫ్‌ గాడ్స్‌’గా భావించి ఏడాదికోసారి నివాళి అర్పించేవారు. 17వ శతాబ్దంలో ఇంగ్లాండ్‌లో తల్లులకు గౌరవంగా ‘మదరింగ్‌ సండే’ పేరిట ఉత్సవాన్ని జరిపేవారు.*

 *‘జూలియవర్డ్‌ హోవే’ అనే మహిళ అమెరికాలో 1872లో తొలిసారిగా ప్రపంచ శాంతికోసం మదర్స్‌డే నిర్వహించాలని ప్రతిపాదించింది. అన్న మేరీ జర్విస్‌ అనే మహిళ ‘మదర్స్‌ ఫ్రెండ్‌షిప్‌ డే’ జరిపించేందుకు ఎంతో కృషిచేసింది. ఆమె 1905 మే 9న మృతి చెందగా, ఆమె కుమార్తె మిస్‌ జెర్విస్‌ మాతృదినోత్సవం కోసం విస్తృతంగా ప్రచారం చేసింది. ఇలా 1911 నాటికి అమెరికాలోని అన్ని రాష్ట్రాల్లో మాతృదినోత్సవం జరుపడం మొదలైంది.*
 
*ఫలితంగా 1914నుంచి దీన్ని అధికారికంగా నిర్వహించాలని అమెరికా అధ్యక్షుడు ఉడ్రో విల్సన్‌ నిర్ణయించారు. కాలక్రమేణా ప్రపంచమంతా వ్యాపించింది. అప్పటినుంచి ఏటా మే రెండో ఆదివారం మాతృదినోత్సవాన్ని ఘనంగా నిర్వహించడం ఆనవాయితీగా వస్తోంది.*

*భగవంతుడు అన్నిచోట్లా ఉండలేక అమ్మను సృష్టించాడని అంటారు. నడకే కాదు నాగరికతనూ నేర్పిస్తుంది అమ్మ.. అంతులేని ప్రేమానుగారాలకు, ఆప్యాయతకు మారుపేరైన తల్లి ఎవరికైనా ప్రత్యక్ష దైవమే. కానీ, నేటి అమ్మ ఆధునికతకు నిదర్శనంగా నిలుస్తోంది. కొందరు అమ్మతనంలోని కమ్మదనాన్ని దూరం చేసుకుంటున్నారు. ‘నేడు మాతృదినోత్సవం’ సందర్భంగా తల్లులంతా ఒకసారి తమ బాధ్యతలు గుర్తుంచుకోవాలి. పిల్లల్ని కడుపులో పెట్టుకు చూసే నాటి అమ్మలను ఆదర్శంగా తీసుకోవాలి.*

*కనిపించే దైవం అమ్మ. ఆత్మీయతకు, అనురాగానికి, త్యాగానికి చిరునామా అమ్మ.. ఆ పిలుపులోనే తీయదనం ఉంది. రెక్కలు ముక్కలు చేసుకుని మనల్ని పెంచి పెద్ద చేస్తుంది. బుడిబుడి అడుగుల నుంచే నడతను, ఆ తర్వాత భవితను నిర్దేశిస్తుంది. ఏ చిన్న తప్పుచేసినా కడుపులో దాచుకుని, కనికరిస్తుంది. కొడుకులు చెట్టంత ఎదిగి దూర తీరాలకేగినా... బిడ్డలు అత్తవారిళ్లకు వెళ్లినా ఆ తల్లి హృదయం వారి క్షేమం కోసం పరితపిస్తూనే ఉంటుంది. కన్నపేగుకు ఏచిన్న కష్టమొచ్చినా తల్లడిల్లిపోతుంది. ఇలా తమ కోసం సర్వస్వం ధారపోసి, పెంచి పెద్దచేసిన తల్లులను వారి జీవిత చరమాంకంలో కళ్లల్లో పెట్టుకుని కాపాడడం ప్రతి ఒక్కరి ధర్మం.*

  *మాతృమూర్తులందరికీ శుభాకాంక్షలు*💐💐

*మాతృదినోత్సవం అమ్మకు వందనం!_*

🕉🕉🕉🕉🕉🕉🕉🕉🕉

అమ్మ.. అంటే ఆనందం. కష్టం కలిగినా.. సంతోషం కలిగినా తొలి మాట అమ్మా.. అంటాం. తొమ్మిది నెలలపాటు కడుపులో ఉన్న  బిడ్డ కోసం తపస్సు చేసి శిశువుకు జన్మనిచ్చే తల్లి కోసం ప్రపంచ వ్యాప్తంగా మే 10 (ఆదివారం) 2020 మాతృదినోత్సవం ప్రపంచ వ్యాప్తంగా జరుపుకుంటున్నారు. అమ్మకు మాతృదినోత్సవ శుభాకాంక్షలు తెలుపుతున్నారు. ఉగ్గుపాలు పోసినప్పటి నుంచి.. తన కాలిపై స్వతహాగా నిలబడేంత వరకు బిడ్డను కంటికి రెప్పలా చూసుకునే అమ్మ గొప్పదనాన్ని స్మరించుకుంటున్నారు. 
 
అలాంటి అమ్మకు మన తెలుగు సినిమారంగంలో విశిష్ట స్థానం ఉంది. జాతీయ స్థాయిలో కూడా అమ్మ పాటకు గుర్తింపు తెచ్చారు వేటూరి సుందరరామ్మూర్తి. మాతృదేవోభవ చిత్రంలో ‘వేణువై వచ్చాను భువనానికి...గాలినై పోతాను గగనానికి’ అంటూ ఎంతో హృద్యంగా సాగిన ఆ పాటకు జాతీయస్థాయి గుర్తింపు లభించింది. ఇలా ఎందరో గాయకులు, కవులు అమ్మ గొప్పదనాన్ని వెలుగెత్తి చాటారు. 
 
అయితే నేటి ప్రపంచంలో అమ్మను చూసుకోవడం భారంగా భావించేవారు లేకపోలేదు. మనల్ని కంటికి రెప్పలా చూసుకునే తల్లికి వయస్సు పైబడితే భారంగా భావించి... వృద్ధాప్య ఆశ్రమంలో వదిలిపెట్టేయడం సహజమైంది. ఆధునికత పెరుగుతున్న కొద్దీ మానవీయ విలువలు మంటగలిసిపోతున్నాయి. అలాంటి వారు మీరైతే అమ్మకు ప్రాధాన్యమివ్వండి.. అప్పుడే మీ పిల్లలు మీకు ప్రాధాన్యమిస్తారు. 
 
లేకుంటే అమ్మకు ఏర్పడిన గతే భవిష్యత్తులో మీకు ఏర్పడక తప్పదని మానసిక నిపుణులు మాతృదినోత్సవం సందర్భంగా కీలక సూచనలు చేస్తున్నారు. ఇదిలా ఉంటే సోషల్ మీడియాలో అమ్మ ప్రాధాన్యతను తెలిపే పోస్టర్లు, ట్వీట్లు, కామెంట్లు వెల్లువెత్తుతున్నాయి. ప్రపంచ వ్యాప్తంగా మదర్స్ డేను అందరూ అట్టహాసంగా జరుపుకుంటున్నారు. తమకు జన్మనిచ్చిన తల్లికి విలువైన కానుకలిచ్చి.. శుభాకాంక్షలు తెలుపుతున్నారు.

అమ్మ.. నిర్వచనానికి అందని పదం. వేలకోట్ల భావాలకు ప్రతిరూపం. జీవాన్ని, జీవితాన్ని ఇవ్వడమే కాదు..జీవితకాలపు ప్రేమైక మమకారాన్ని పంచడంలో తల్లిని మించి ఎవరూ వుండరు.

అమ్మ అనే పలుకు తీయదనం

అమ్మ అనే భావన ఇచ్చే భరోసా

ప్రపంచంలో మరేశక్తీ ఇవ్వదు. ఇవ్వలేదు.

కష్టాలకొలిమిలో కాలిపోతూ కూడా సుఖాల పొత్తిలిలో హత్తకుని రక్షించేది తల్లి మాత్రమే.

జీవనసుడిగుండంలో చిక్కుకున్నా.. తన కొంగుచాటున బిడ్డల్ని నిలిపి వారి భవిష్యత్తు కోసం తపించేది మాతృమూర్తి మాత్రమే.

బిడ్డ ఆకలి తీర్చడానికి తన రక్తాన్ని స్తన్యంగా అందించి.. ఆనందించే దైవ రూపం.

అయితే, కంటేనే తల్లి అని అనుకోవడానికి లేని అనేక సంఘటనలు నిత్యం మనం చూస్తుంటాం.

తనకు సంబంధంలేని వ్యక్తి ఆకలిని తీర్చడానికిీ తను తినకుండా కూడా అహారాన్ని ఇచ్చే తల్లులు ఎందరో.

'మాతృదేవోభవ' సూక్తికి నిజమైన తెర రూపం!
కటిక పేదరికంలోనూ కూలి పనితో బిడ్ఢల కడుపునింపే అమ్మలెందరో..

తన ఆరోగ్యం కుంటుపడినా.. పిల్లల ఆరోగ్యం కోసం పరితపించే మాతృమూర్తులకు లెక్కేలేదు..

కొలవలేనిది..తరిగిపోనిది.. రుణం తీర్చుకోలేనిది అమ్మ ప్రేమ ఒక్కటే!

అమ్మ కోసం జీవితాన్ని ఆమె పాదాల ముందు పరచినా సరిపోదు. కానీ, అమ్మకు ఒక కృతజ్ఞత.. తల్లి త్యాగానికి ఓ వందనం.. అన్నిటికీ మించి తరగని అమ్మ ప్రేమ గుర్తులు నిండిన హృదయంతో ఓ మాతృమూర్తి..నీకిదే నమస్సుమాంజలి అంటూ ప్రపంచం అంజలి ఘటించే మదర్స్ డే సందర్భంగా అమ్మకు వందనం.

No comments